1 маусым – Балаларды қорғау күні

Балалық шақ – әр адамның өміріндегі ең жарқын әрі бақытты кезең. Дәл осы кезеңде тұлғаның негізі қаланып, арман-мақсаттар қалыптасады, қабілеттер ашылып, жақсылыққа деген сенім пайда болады. Сондықтан Балаларды қорғаудың халықаралық күні балалардың сүйікті мерекесі ғана емес, сонымен қатар әрбір балаға қамқорлық көрсетудің, олардың жан-жақты дамуына, аман-саулығына және бақытты болашағына жағдай жасаудың маңыздылығын ересектердің есіне салатын ерекше күн. Осы тамаша мерекеге орай Есіл қаласының аудандық мәдениет үйінде түзету кабинетінің тәрбиеленушілеріне арналған мерекелік іс-шара ұйымдастырылып, ол қуанышқа, шат күлкіге және жарқын әсерлерге толы болды. Балалар мен ата-аналарға арналған жылы лебіздер мен ізгі тілектерді Есіл ауданы білім бөлімінің басшысы Қажетова Майра Айтқазқызы жеткізді. Түзету кабинеті ұжымы үшін Есіл ауданы білім бөлімінің түзету-дамыту сабақтарын өткізуге арналған дидактикалық ойындар мен дамытушы құралдарды сатып алуға берілген сыйлық сертификаты жағымды тосынсый болды. Бұл сыйлық ППТК-ның материалдық-техникалық базасын заманауи ойын және дамытушы жабдықтармен толықтыруға мүмкіндік беріп, балалардың тиімді білім алуы мен жан-жақты дамуына